星期日放假，我(Ann Wong, 置業書作者) + Primo Yip (樓市專欄作者) 和 cMoneyHome 同學仔去咗粉嶺睇住宅樓! 住九龍觀塘的同學仔話好鬼遠。
粉嶺站附近其實有277x 到九龍灣大約25-30分鐘(冇交通意外或塞車)。同學仔搭港鐵由觀塘出發用咗約75分鐘先到粉嶺站，所以話好偏僻。哈! 下次搭巴士LOL
Ann Wong : 粉嶺有大約30多個個不同類別的屋苑，當中包括花都廣場、粉嶺名都、粉嶺中心、牽晴間、碧湖花園等，
而今日我哋會睇花都廣場。
地址：粉嶺百和路88號
落成：1995年
發展商：恒地及華懋
Ann Wong : 花都廣場於1995年落成，前身為田心臨時房屋區，是粉嶺南第二個落成的大型私人屋苑，發展商為恆基兆業地產和華懋集團。
Primo Yip : 從粉嶺鐡路站出發，一出鐡路站左轉有蓋天橋，再左轉入有蓋行人路，步行左約1分鐘，見到有巴士站，巴士可到達花都廣場附近。我地記錄左巴士路線號碼後，繼續沿著有蓋行人路步行，見到有公園、足球場。我地步行了約9分鐘，到了百和路與一鳴路十字路口，我地過對面馬路。
Ann Wong : 到了華明路後，花都廣場出現在我地前方不遠處，外牆算新淨。我地沿著露天行人路步行約5分鐘，終於到了花都廣場。我地見到花都廣場地下有購物廣場，當中有大約十間食肆，包括酒樓，而二樓有個大型停車場及室內單車停泊處，花都廣場公共設施齊備，毗鄰大型巴士總站、郵政局、體育館、街市等。
Ann Wong : 花都廣場共建有10幢樓高36層的住宅樓宇，提供2710個住宅單位。花都廣場設有大型會所，設施包括健身室、網球場、兒童遊樂場、泳池、壁球室及蒸氣浴室等。
Primo Yip : 我地去左樓下多間地產代理，見到花都廣場的上車盤，實尺370，最近成交290萬，現時300萬放賣盤約少於5個，而同類型單位可放租每月約8500元。(2014年5月)
自住指數 : 4 (空氣好，有人迫人)(港鐵附近有自由人，但俾上水少好多)
投資指數 : 2
交通指數 : 2
抵買指數 : 2
茶餐廳指數 : $29一個茶餐 (旺角都係$24)
<總的來說>
花都廣場環境清幽，有新單車徑啟用，自住可以考慮。如果從投資角度，回報率約3厘半，該地區暫時沒特別前景概念，投資就要認真諗諗，不算好。
筆者住過九龍灣、觀塘、銅鑼灣、旺角、牛池灣...今次入到粉嶺第一 feel 是空氣爽爆。但在投資角度來說，粉嶺不及上水是北區商業重心區。同時又冇大型大面積商業物業，可重新發展空間有限。 但又因為咁，好多小店小創業家可以有位生存，不是千篇一律的商店。
(圖) http://hk.apple.nextmedia.com/financeestate/art/20120804/16573767
我們會繼續努力寫文，請給個 Like 以示鼓勵好嗎! 謝謝喔你，祝生活愉快!!
中原數據- 上水/粉嶺/古洞粉嶺名都 的成交記錄
粉嶺名都-最新成交 - 美聯物業Midland Realty
粉嶺名都樓盤的搜尋結果• 香港屋網
粉嶺名都凶宅- 地產資訊網
我們會繼續努力寫文，請給個 Like 以示鼓勵好嗎! 謝謝喔你，祝生活愉快!!
《一路向北睇樓記 第2集》 粉嶺名都 : 勁近港鐵站，首期要幾多?
花都廣場（Flora Plaza）是香港的一個私人屋苑，位於新界東北區粉嶺南部百和路88號，於1995年落成，前身為田心臨時房屋區，是粉嶺南第二個落成的大型私人屋苑，發展商為恆基兆業地產和華懋集團，物業管理公司為花都廣場物業管理有限公司。
花都廣場共建有10幢樓高36層的住宅樓宇，提供2710個住宅單位。物業設有大型會所，設施包括健身室、網球場、兒童遊樂場、泳池、壁球室及蒸氣浴室等；此外，物業基座附設購物廣場及大型停車場及室內單車停泊處。屋苑公共設施齊備，毗鄰大型巴士總站、郵政局、體育館、街市等，距離港鐵粉嶺站僅5分鐘車程和10分鐘步程，並有天橋連接華明邨、華心邨。
http://zh.wikipedia.org/wiki/%E8%8A%B1%E9%83%BD%E5%BB%A3%E5%A0%B4
