樓市飯局和戰友討論新界樓係未跑贏大市? 以天水圍嘉湖山莊為例，3房入門樓價現在是600幾萬區間游走(年頭價是500中)，是比市區要大約800幾萬以上水平，除咗吸引區內人換樓，區外投資者亦樂意轉投至新界屋苑。
飯局上有人提議去新界其他地方睇下樓，我提議「出征元朗南」，第一點是相對樓價較易上車，第二點睇返規劃署和土木工程拓展署公布的「元朗南建議發展大綱圖」，當局將面積大約224公頃的元朗南發展區，劃分低中高密度住宅區，再建設有田園地帶及就業帶。預計住宅單位提供約28,500個及萬多個就業機會。我估經過當局數年的開拓，大概2025年後元朗南會有好大生活及經濟變化。回想5年前分享給學員多留意觀塘及屯門區有關政府規劃，現在基建浮面後你巳見到佢地升咗不少喔。 想又住又賺，做下功課參考一下地區發展「基本面」，絶對有助揾到潛力升值區。
講返元朗二線區先，隨著近10年新盤入伙，例如原築、翹翠峰、溱柏及尚悅等，巳一步步形成小社區，最近還有新盤樓花瑧頤準備推出。這些元朗南區較新的樓盤二手巿場最高峰時成交價已達14000元，可以作為區內樓價未來重要的指標。
元朗南部分屋苑:
溱柏 (5年私樓)
- 參考實用呎價: 約$11500-13000
- 實用面積 : 272至954呎
- 中型屋苑共有10座，屋苑樓下有些商店
尚悅 (6年私樓)
- 參考實用呎價: 約$12000-14000
- 實用面積 : 403至743呎 (個別1947呎)
- 大屋苑，成交活躍。有穿梭巴士往西鐵元朗站
原築 (10年私樓)
- 參考實用呎價: 約$11800-13200
- 實用面積 : 480至950呎
- 主打兩房間隔，四座物業呈一字排開(開揚)
翹翠峰 (9年私樓)
- 參考實用呎價: 約$11000-12500
- 實用面積 : 580至822呎
- 鄰近元朗公園，物業屬純住宅，不設商舖。行去教育路15分鐘或駁車，咁就好多食玩買。
**溱頤（樓花，準備開盤）NEW
- 實用面積 : 約233至577呎
- 鄰近溱柏及原築，有313伙。1房間隔佔約46%。
過往我去元朗睇樓傾向去大馬路一帶市中心(舊式單幢樓多)和Yoho系列。今次探索元朗南例如馬田路、十八鄉路和公庵路等地方，佢地提供較多300呎以上「見洗及冇太大壓迫感」細單位及大會所，住環境和家人安居一流 (當然講方便就是在朗屏站及元朗站的屋苑，但呎價反映方便哈哈，記得睇實負擔能力)。
交通方面 : 如果接受到駁一程車或行12分鐘到不同輕鐵站去市中心，可以來一趟睇樓看看。 (我有朋友住溱柏，佢話有時踩5-8分鐘單車出入市中心及周圍去。佢由屋企返工到屯門就去屋苑附近搭輕鐵從水邊圍站出發，大約38分鐘)
#元朗南發展 #十八鄉路 #元朗新區 #Ann姐睇樓 #溱柏 #尚悅 #Ann姐上岸原理 #有生活環境 #溱頤
2019年5月 - by Ann姐
