cmoneyhome 財富教室

【讀者來信】儲39萬首期 等待上車機會

 

【讀者來信】

cMoneyHome 你好:

我跟朋友參加過你和1%舉辦的睇樓活動,多謝全部人的分享,我對揀樓tips識多咗好多。 關於我方面,我現在跟屋企人同住,因為屋企單位入住人數會增多,活動空間實在太細。

我渴望可以1-2年內搬出,買我的第一層自住物業。

我目標單位約300呎,九龍最好,但新界我都OK。最近聽人講可能細價樓爆煲,另外我人工實在追不到樓價。雖然我真係好慳! 這5年儲蓄了28萬現金,因為不懂置業的技巧,又知你們開辦了不同買樓活動,希望你們能指點迷津。

基本資料 : 28歲 , 男,  電子科技營業員

每月收入 : $18,500(扣了MPF) , 有雙糧和每月約$6,000 花紅

每月開支 : 家用$4000  , 保險及基金 : $2,000

日常開支 : $8000

資產 : 人民幣 $20,000  ,  借朋友$30,000 未收番

1) 我儲蓄有28萬,請問我要儲夠幾錢先上到車?

2) 如果我買咗300萬樓,市場樓價大跌,我層樓得番150萬。銀行係未會要我補番150萬俾佢? 咁我就死梗。

 

忠實讀者

C. Chris


 

讀者Chris你好:

Q) 我儲蓄有 28 萬,請問我要儲夠幾錢先上到車?
A) 最慳最慳...$40 萬之內就可以搞掂!

以 $300 萬物業計算,最低消費是...首期 $30 萬,厘印 $4.5 萬,律師費及雜費約 $1 萬,經紀佣金 $3 萬,合共 $38.5 萬,如果買到 $300 萬以內的物業,成本就更低。如果真係想慳多少少支出,都唔係冇辦法,但不便太公開,課堂再分享。

-----------------------------------

置業主要開支一覽
 
物業價值 : 300萬
首期 : 30萬
律師費及雜費 : 1萬
厘印 : 4.5萬
代理佣金 : 3萬
總開支: 38.5萬

-----------------------------------


另外還有裝修及傢電...先講裝修,最重要係揀樓!很多剛上車的同學,會揀幾乎完全唔使裝修,拉個喼入去就住得的單位,可能會貴幾萬,不過就可以計埋入樓價,做埋按揭。再講傢電,豐儉由人,他們會跟業主說:「有乜嘢唔要就留低啦,我哋後生仔上車好慘架,慳得一蚊得一蚊嘛!」大至梳化、衣櫃、床,小至水壼、飯煲,乜都殺,哈哈!

Q) 目標約 300 呎,九龍最好,新界都 OK,有乜選擇?
A) $300 萬以內
,九龍、新界都有!
如果想借盡 90%、30 年按揭,樓齡最多三十幾年好啦,課堂上再詳細解釋。買樓上車...最重要是量力,這只是人生置業路上的第一步,沒必要太高要求。...接受現實吧!以今天的市場來說,樓價 $300 萬以內,要買到 300 呎單位不容易!其實只要開則實用,250 呎單位都可以間到兩間房!

先講新界區...幾年前投資兵團大舉買入的幾個主要上車屋苑,例如大圍的金獅花園、大埔的翠屏花園、荃灣的荃灣中心等,$300 萬以內近乎絕跡。要將目標放在各區的二線小屋苑或單幢樓,例如元朗的好順意、好順利、好順泰等,屯門的兆康苑、兆安苑等自由市場單位等。



再 講九龍區...市場扭曲,新界呎價貴過九龍!相比之下更有價值!例如長沙灣、深水埗,不少單位面積只有二百多呎,例如房協「五喜」附近的小屋苑,樓價不過 $300 萬。即使去到油麻地、旺角、紅磡、土瓜灣等,亦有不少選擇。近日兩位投資兵團戰友在紅磡買樓,其中一個實用面積約 200 呎,開放式,$234 萬成交;另一個實用面積約 215 呎,開放式,$202 萬成交。當然要用很多時間、心力、人脈換取的!

另外,CMH Ann 補充了你問有關銀行追你補差額的有用資料,請看。  ★如何識買樓不失霸氣! 第一次買樓不中伏★ 歡迎參加 3月新班(少位) 【 買車買樓 樓轉命運3小時 ▶ http://bit.ly/1sefUSQ ◀


1% Anthony【樓市達人】
✦ 1%投資培訓的地產課程總監,著有《樓。轉命運》、《上車買樓》、《投資買樓賺錢筆記》
✦ 其博客《第一桶金》總瀏覽量逾300萬人次,曾接受多間傳媒專訪及出任電台地產節目嘉賓主持。

【一些常問及重要的買樓問題 】 

網上論壇又興起「樓價跌、負資產,銀行會call loan」的話題。第一次買樓或準買家對這件事很在意,哈哈也是讀者來信的熱門題。

買樓 call loan,意思指收回貸款,即指在銀行發信要求下,銀行可在指定日期內收回未償還貸款。此是銀行作為貸款人的權利。舉例: 你的物業市值$400萬,不論欠銀行的餘款是10萬、100萬,還是370萬,銀行都有權出信收回貸款。問題是:銀行會基於甚麼理由收回貸款?這是問題關鍵,朋友們必需留意。

 

銀行 call你 loan 可能冇著數 cMoneyHome 買樓

很多人有一個錯誤的觀念,認為物業成為負資產,銀行一定會向業主收回貸款。我地試下從銀行利益角度去諗。

簡單來說, 物業市值400萬,尚欠銀行350萬,銀行去收番貸款,而業主又沒能力支付,最後果銀行只好收番層樓。跟住銀行通將物業拍賣,如果市道差,拍賣得100萬,銀行便出現$250萬壞帳。

事實上,最觸動銀行神經並不是按揭抵押品是否負資產! 最MOST IMPORTANT 是借款人有沒有償還貸款的能力!

如果借款人(業主)習慣性常常延遲幾天供款,以為是小事一宗,卻往往會因此觸動銀行神經;這是會影響借款人在同一家銀行中取得其他貸款的條件。所以,不論物業是否負資產,業主必須緊記:準時還款✦☺

CMH Ann Wong 【房地產版主】 
✦ 專業驗樓師 
《我愛你冇樓》編劇及導演房地產導師
✦ cMoneyHome 其中創辦人
✦ 《上車又住又賺財技實戰天書》及《80.90後上車置業新手101》作者

 

▼▼▼ CMH Ann 和 1% Anthony 會在以下活動分享第一次買樓必要知的事 ▼▼▼

【 買車買樓 樓轉命運3小時 】

★ 識買樓不失霸氣! 買樓不中伏 ★

6場爆滿,加開 3月新班(少位)

▶ http://bit.ly/1sefUSQ ◀

細價樓爆?真係爆會係點?
點解咁多人買到樓,唔係我呢?
有樓又唔使做樓奴?點先做得到?
 

 

免責聲明:本文內容僅供參考之用,不構成任何投資建議及邀約,請不要依賴本文件作投資決定。投資涉及風險,基金價格可升可跌,過往業績數據並非未來業績的指標。筆者已盡量確保所提供資料(包括數據)之準確性及可靠性,惟並不表示該等資料可作為消費者的指引,倘有關資料之任何不確或遺漏等,所引致消費者有任何損失或損害,一概毋須承擔相關責任。所述之計劃視乎個別產品供應商而定,有關產品計劃之詳情及細則,以產品之主要說明文件為準。

活動詳情➨➨➨ http://www.cmoneyhome.com/350350/

 
 

熱門文章