(轉)10年內不買樓的理由 ,2019年出現...

一手盤呎價不斷下調,最終會逼使二手盤業主減價求售。現實的情況是...  呢段文章真係越睇越正 知吾知出於邊位高人? 

1. 樓價低殘時,份工朝不保夕,梗係留多個錢身邊,唔買

2. 谷底回昇時,淨係回想谷底價,又唔買

3. 到個價回調,認為個價仲有得跌,又唔買

4. 個市牛皮,就認為市勢不明朗,無方向,又唔買

5. 確認升勢,就認為政府會做野 或 水尾,又唔買

2003: 沙士,明天都吾知會吾會死,唔買住

2004: 有自由行,但好驚沙士再來,吾買住

2005: 美國加息,供樓負擔大咗,好快跌番沙士價,吾買住

2006: 150萬樓仔又細又舊又冇會所,再升阻力好大,一定會跌番落去,吾買住

2007: 今年睇樓市大跌,抄下股票先,大手入了中資股,中壽,港交,中交建,樓吾買住,租住等跌

2008: 美國金融海潚,好快跌回沙士價,美國雖然減息,但d股票做晒蟹貨,睇定d,銀行又吾借錢,吾買住

2009: 美國QE1,公司生意好差隨時失業,曾任權仲叫人去大西北買4000一呎樓,無能政府,等跌吾買住

2010: 美國QE2,政府打擊樓市炒家推行SSD!樓價就升到97價,根據經驗樓市好快爆煲,陳德霖,曾俊華話息口只會上升,零息係冇得再減,信佢哋吾買住

2011: 樓價又升吾再追,政府一定再打擊樓市,陳德霖,曾俊華話美國好快加番息,一定沒有QE3,政府起置安心,很多人賣自住轉租等大跌,一齊吾買住

2012: 支持梁震英做特首,1%土地住100萬人,美國QE3,QE4月月印850億都冇用,最少跌3成,都係吾買住

2013: 政府再加辣打擊樓市,陳德霖,曾俊華話香港可自行加息,收緊咗按揭,日本歐洲無限QE都冇用,樓價就快大跌,吾買住

2014: 美國月月減債退市,而加息期就快到,伊波拉殺到來,佔中業主一定大劈價3成4成,業主雖然暑假大幅加租2成,忍住先,反正就大跌,年尾又有2000間居屋平售,歐日QE都冇用,吾買住

2015: 等緊政府加辣,美國就快加息,潛在新供應7萬3千個,跌5成不是夢,吾買住

2016: 終於加息四分一厘了,供樓負擔太重,又加3厘壓測,都係等跌7成8成,吾買住

2017: 供應開始多了,美國又加息四分一厘,樓價必然下跌,等跌9成,吾買住

2018: 年紀開始大就到4張嘢,銀行借吾到還款期三十年咁長,等跌10成,吾買住

2019: 兩公婆齊齊吾做嘢,排緊公屋等3年上樓,希望派到啟德新公屋,遠望到海景維港,近就望到遊輪碼頭,交通又方便有地鐵巴士,點都好過10年前走去買大西北,仲有一年免兩個月租,吾買住

2020: 沙田污水廠準備搬入岩洞,有平居屋靚海景,吾買住

2021: 新界東北發展用地就快可以啟用了,靚公屋就快排到,排咗3年公屋就快到我,吾買住
2022: ...
2023: ...
2024
2025
2047: 周身病痛,行都行吾到,人都就死,下一世先諗買樓,都係吾買住

source : http://finance.discuss.com.hk/viewthread.php?tid=25541537&extra=page%3D1

source :  http://forum3.hkgolden.com/view.aspx?type=FN&message=6255935


下一篇 : 

跌2 - 3 成,買樓上車點揀【 新樓 VS 大屋苑 】

1) 新樓好處 :  

1) 附送基本裝修和電器,買傢俬即入住

2)  發展商交樓包執修

3) 發展商有保用期

4) 發展商屬下的財務機構幫業主提供高至9成數按揭!  有時支付買家印花稅

2) 大型屋苑跌價快

先講大型屋苑,成交量高,只是比例上而已。買的人多,不過放盤更多,唔一定賣得出,相反單幢樓成交量少,但買的人更少,賣樓不會多。

記得在2008年金融海嘯的時候,筆者手持六個單位,絕大部分都是單幢樓,唯獨是一個位於荃灣的大型屋苑,短短三個月,樓價就下跌了三成。

當時的情況,應該以「踐踏式」下跌來形容,大家都等錢洗,你賣150萬元,我賣140萬元,佢賣130萬元……代理不停致電來殺價,呢啲電話聽得多,陣腳都亂晒。其實想深一層,樓市升跌本來就是平常事,買入後要持貨三年,總要面對起跌。

至於樓齡、質素等各方面,也不代表防守力強。翻查近日的劈價新聞,劈價最狠、最勁的,很多都出現在大屋苑。再想想早幾年買樓,今天賣樓都要蝕讓的,很多都是當年的新樓。這些表面上的增值元素,在實戰世界未必是想像中那麼好。

3) 首看租金回報

筆者認為,衡量防守力最重要的,是租金回報。那怕你買入物業的目的是自住,從未想過要租出去,也應該多留意區內的租務行情,萬一將來有乜冬瓜豆腐,真係失業、供唔起樓,最好的方法就是將自己的物業租出租,等租客去幫你供樓,待低潮過去之後又一條好漢。

租金回報夠高的話,不但唔使供,分分仲每個月都有錢袋,就像早幾年很多業主都做了Hibor Plan,不少仍然保留着1厘左右的利息,邊有動力平賣物業呢?

記得當年金融海嘯的時候,筆者持有六個單位,供款完全超出自己的收入,為甚麼沒有賤賣物業,沒有斷供,守得住呢?就是租金救我一命。尤其現時樓價相對較貴,有機會調整,就算賺少啲都應該要買防守力比較強的物業。

能否租到好價錢,很快就能租出去,是重要的考慮因素。現時新樓、豪宅的租金回報大約只有2厘多,大型屋苑有3厘多,舊樓、單幢樓就有4厘多。

至於很多朋友說要買海外樓,係咪真係咁抵?以防守力來測試一下,以澳門為例,一個800萬元的單位大約收租萬多元,台灣跟澳門差不多,普遍回報不過2厘,再看看大陸400萬元樓只能租3,000多元,連裝修費都Cover唔到,所以好多人買完就放著等升。

★★ 筆者在以下活動有分享 ★★★



未買樓? 想好好為未來打算!

【買樓上車樓轉命運 3 小時】分享會

參加詳情➤ http://bit.ly/hkbuyhouse 

Whatsapp : 61-815-815

✔ 物業投資攻略,如何避免上車新手常犯錯誤
✔ 樓市大跌會點算?(經濟日報也報導我們分享)
✔ 1 房物業投資 / 新樓上車
✔ 體驗樓市變化,掌握入市時機,2016 年樓市分析! 
✔ 太多真實個案分享,如何買入筍盤! 我們是皇者!

★ 導師著作,實力保證 ★ 皇者必選
 

《30歲上車又住又賺》分享!!! 買樓上車精讀課程

訂閱我們 樓市YouTube台,很多買樓料

https://www.youtube.com/channel/UCClKLTZHRb3TKI9aKm8PtOw

 

★未買樓?參加【 買車上車 資產倍增3小時 】

9-10月強勁加開,  ➤ http://bit.ly/1sefUSQ

又住又賺上車書作者親自分享!  你想 30 歲前有樓收租嗎?想財務自由嗎?上車買樓真係咁難?點解咁多人買到樓?買樓唔使供?有樓又唔使做樓奴?點先做得到
 

★人生必上 DIY 課堂【慳錢裝修大作戰 速成班 】 
新班, 稍後公佈!   ➤
 http://bit.ly/1c3IfZP

 裝修 Budget 唔多又想整靚屋?又要平又要有型?➨ 300 幾呎單位點用盡空間?點樣可以提升租值?➨ 點睇裝修報價單先唔會俾人呃?➨ 如何用幾萬元的成本,做十幾廿萬的感覺?
 
 
 

 


免責聲明:本內容僅供參考之用,不構成任何投資建議及邀約。請不要依賴本內容作投資決定。投資涉及風險,基金價格可升可跌,過往業績數據並非未來業績的指標。筆者已盡力確保所有提供資料之準確性及可靠性,惟並不擔保該等資料之準確性及可靠性,且概不會就因有關資料之任何不確或遺漏而引致之任何損失或損害承擔任何責任。


歡迎各大高手及機構加入合作,有意歡迎電郵到 cmoneyhome @gmail.com


 

 

 

熱門文章