環聯信貸疑有嚴重漏洞,載有本港逾500萬人借貸資料。。。

據明報報道,載有本港逾500萬人借貸資料的環聯資訊(TransUnion)現嚴重漏洞!

記者發現只要憑目標人物的身份證號碼及公開資料,回答數條簡單問題,便能通過身份核證步驟。且以此方法取得公眾人物的信貸報告,內容包括其信貸評分、電話、地址、信貸帳戶號碼,和逾期還款等敏感資料。

金管局回覆本報稱關注事件,並已透過銀行公會,要求環聯立即全面調查事件,以及盡早提升認證程序。銀行公會要求環聯提升保安措施,包括在所有個人網上查閱信貸報告時,作一次性密碼認證(One Time Password, OTP),或暫停透過信貸或中介機構網上平台的個人信貸報告查閱服務。環聯及金管局已通報私隱專員公署,表示關注事件,並會配合私隱專員公署的跟進工作。

https://hk.finance.appledaily.com/finance/realtime/article/20181128/58970178

以下納米樓睇法!

▼ 買樓入市2019研討會 
▼ Ann姐 x Anthony Sir 

詳倩及留位:http://bit.ly/1sefUSQ

★ 導師團隊著作,掌握市場實力保證 ★
《買樓上車防中伏》,《嬴盡日本樓》, 《50萬上車──細價樓投資致勝法》, 《工商舖小本投資入門》, 《上車又住又賺》

 

 

 

近期日日聽到劈價新聞,好多人都想吼位入市,但見住啲價一球一球咁劈,入市個刻都幾擔心馬上坐艇。有乜野可以睇到樓市將見底的訊號,今次就教大家睇一個撈底指標﹗ 

朋友A: 嘩!最近屯門元朗好多新樓!
朋友B: 多係多,不過好似唔係好抵!
朋友A: 地鐵站旁賣呎價1.6萬,唔抵咩?
朋友B: 呢個價可以買LP6了!

 

新盤唔肯平,樓市未見底 還是 鬥快劈價4成? 

樓市文 : Anthony Sir x Ann姐

 

新供應開始多了!

最近新盤市場都幾熱鬧,尤其是新界西北,朗城匯、弦海、尚悅嶺等陸續登場,加上之前的LP6、上源、海傲灣、Park Yoho Napoli等還未沽清,對準買家來說,真係睇都睇唔切,選擇都幾多!
 

不過可惜的是,新盤唔肯平!

受外圍因素、股市低迷等影響,最近樓市氣氛逆轉,多個大型屋苑成交淡靜,甚至捧蛋,之前熱炒的屋苑,紛紛出現劈價潮,部份成交比幾個月前的高峰期已經下跌超過一成。既然新盤多,政府又推出空置稅,大家都期望新盤開價跟隨市況下調,可惜冇乜驚喜!
 

「朗城匯」 貼二手?抵唔抵?

發展商形容首批開價是「進取中保持尅制」是否貼切,見仁見智,首批144伙折實均價15,832元,筆者都覺得幾進取!第二批加推144伙折均價16,223元,更進取!是否尅制呢?如果跟朗屏8號開價作比較,未到三年開價高出近4成,跟期內樓市升幅差不多。如果再跟區內的半新盤作比較,Yoho Town及Yoho Midtown最近的成交呎價都在1.6萬至1.7萬左右,朗城匯稍為平少少,不過考慮到Yoho系列是新地品牌,加上元朗站整體規劃,商場配套、屋苑規模、單位及會所質素等,價錢稍高亦合理,可說是貼二手開價。問題是…這個所謂二手價,仍然處於歷史高位!


開價…未反映樓市氣氛轉差!
市價,欠驚喜!如果睇升,冇所謂;如果睇跌,感覺唔抵!

 

「朗城匯」 優點與缺點

朗城匯由華懋及鐵合作發展,位於港鐵朗屏站旁,全盤共4座,合共720伙,包括1房至3房,面積由319呎至754呎,兩房最多佔52%。間格四正,但樓底唔高,會所設施亦欠驚喜。


優點是非常近港鐵站,行人天橋直駁,應該幾十秒就可以行到過去。朗屏站是元朗一個成熟的社區,衣食住行要乜有乜,沿天橋一直行,會經過不少二手屋苑、舊樓,天橋下的食肆、民生商舖林立,再往前走就是元朗廣場,雖比不上Yoho Mall,但都幾有規模。再往前走就是元朗大馬路的核心地段,旺到不得了,人多車多,連自由行都好多,比美旺角尖沙咀!與朗屏8號比較,雖然大家都是貼住朗屏站,但由於朗屏8號座落於工廠區,朗城匯在對面的住宅區,相比之下似乎稍稍優勢,不過也有隱憂,就是緊貼坑渠,如果真係要買,要特別留意座向及味道。


 

「弦海」入場唔使300萬 抵唔抵?

收到不少代理發過來的訊息,288萬起!
見到這個價錢,相信很多人都會眼前一亮,所謂唔買都睇吓,正所謂舊樓、唐樓都未必俾你搵到2字頭,而家居然响新樓出現,實在匪夷所思!細心一睇,師傅明白了!開細則!


弦海是一座24層高的樓盤,基座設有商場,單位總數371伙,除了特色單位之外,分層單位主要由開放式到兩房,面積由162呎至447呎,沒看錯,162呎!開放式及一房佔8成以上,首批75伙,每呎折實均價15,791元,最貴的是開放式單位,呎價17,832元!去到15樓以上的呎價更高見1.9萬!呎價計可謂貴絕屯門!
 
弦海位於屯門龍逸邨及龍門居旁,位置唔算靚,雖說將來屯門碼頭一帶會有屯門南站,但距離樓盤有一段距離,剛剛座落於屯門站與未來屯門南站之間,兩頭都唔到!如果要評價,這個位置,這個呎價,確實是有點難接受!但如果唔睇呎價,只睇總價,又是另一回事,或者這就是現時納米時代的新常態。

 

「尚悅嶺」195呎折實318萬  吼唔吼得過?

最近新界西北又有一個新盤加入戰場!
根據資料顯示,項目由新世界、恒地合作發展,由兩座住宅大樓組成,合共504伙,包括開放式、一房及兩房,面積由174至381方呎,其中一房最多,面積由234至282方呎,288伙,佔57.1%!發展商預期有部份單位會少於400萬,可以借9成云云。講真,如果174呎計,就算呎價2萬都唔過400萬,係咪代表抵呢? 
 
尚悅嶺又稱為叠翠峰五期,位置上當然近叠翠峰、尚悅。
位置唔算靚,屬元朗的二線地段,如果要行過去元朗港鐵站要15至20分鐘,但最少是行得到,不過那邊的供應都幾多,樓價都唔係好高,最近附近的大盤尚悅都有些減價盤。以發展商的部署來看,都係切細個餅,賣個好價錢。

結果10月底開價,首批101個單位面積介乎195呎至370呎,平均呎價都要16,372元,折實後都要15,881元一呎,最平最細個單位都要317.7萬元,結果首日開賣只售一半單位。

 

 

呎價唔肯平 靠開細則

最近不少發展商都用這一招對抗逆市!


有人說納米樓的承接力弱,但另一方面又見到有很多納米樓銷情好好,例如之前去睇「海傲灣」,代理稱銷售情況未如理想,當然了!油塘這個地區發展尚未成熟,但折實呎價竟然要2萬,而且首批單位的景觀質素都是比較差的,例如望體育館、望馬路等等,實在有點驚訝!稍為高層靚景的,竟然用來招標來賣,不過是一個細單位而已,咁都有得招標?不過貴還貴,又係開細則搏大霧,開放式已經賣光了。到底納米樓會唔會供應太多而影響銷情呢?還是會繼續成為新盤的銷售動力,繼續…開則細、樓價貴!
 

 

訊號:新盤肯平 樓市就會見底!

經過兩年的升市,市場需要一定程度的調整消化!最直接可以主導市場是一手新盤,新盤肯減,週邊的二手勢必跟隨。同時,市場亦需要一些正面消息刺激,例如有新盤平開,大排長龍,然後加價加推,又再賣晒,市場就會解讀為轉勢訊號,可惜現在未有新盤肯平,仍需要一段時間。

至於另外兩個訊號,一個是關於二手市場的數據分析,一個是關於二手買賣的實戰,講座再跟大家分享。

尋寶時間 正式開始!
港樓、大陸樓機會處處,別發呆啦!出擊吧!

 

真原文 :  Ann姐 x Anthony Sir

 

Anthony Sir 於 2009 年首創協助,無數年青人成功上車財務自由。

Ann姐分享按揭及買樓上車文章,FB粉絲多達10萬人 

暢銷書作者《贏盡香港樓》《贏盡日本樓》《買樓財富十級跳》、
《上車又住又賺》、《買樓上車防中伏》及《樓轉命運》

向買樓中伏 Say No!買啱樓 Say Yes! Ann姐 & Anthony Sir 樓市及資產增值分享!

 

Ann姐 x Anthony Sir
3小時速成學會:
置業關鍵防中伏 + 又住又賺!

【贏盡樓市買樓上車及按揭】速成班!

徇眾要求6-7月再加開!!

6月07日 爆滿 Full 
6月15日 爆滿 Full 
6月25日 爆滿 Full 
7月15日 爆滿 Full 
7月26日 爆滿 Full 
徇眾要求8月再加開場
2018年8月02日爆滿 Full 
2018年8月22日爆滿 Full  
2018年9月07日爆滿 Full 
2018年9月16日 爆滿 Full 
2018年10月17日爆滿 Full 
2018年10月26日爆滿 Full 

 

 

下一篇 : 

4萬人工買完樓感食X … = 有錢,沒有智慧,上車也是災難

 

在港樓2019講座上分享樓市最新市況,有讀者及參加者也問了相同問題看到一篇報導,說有父母用盡退休金,資助500萬予兒子買了一個全新的三房單位 (樓價約960萬, 首期約500萬),誰知收樓後兒子埋怨 (「半逼半自願」地踏上業主路),供樓已經花了人工九成。我都有諗過幫個女俾首期上車,但見到呢報導有啲擔心,係咪唔應該迫佢買樓呢?

 

Anthony Sir :   如果愛你的子女…  不要只給他錢,只給他買樓!  最重要的是,給他們理財智慧!

Ann姐 :  這篇報導我都有留意,確實無奈!

 

慘!花盡自己500萬退休金,幫子女買樓上車,最終子女不但沒有半點感激,反而埋怨供樓太辛苦:「供樓之後就食屎!」

很多網友批評他「身在福中不知福」,說他「曬命」,但細心想想,事主每月人工4萬元,供樓花了3萬多元,只剩幾千元生活,確實難捱!整件事也難怪他,由始至終,是父母的錯!

中伏1:買樓前,沒有計數!

月入4萬,供樓3萬多,點供?明顯冇計數!

年青人上車,為甚麼要買新樓?為甚麼要買千萬三房單位?

二手市場有很多選擇,年青人上車,可以先買一房、兩房,就在同一區的荃灣,當時400至600萬的選擇很多,將來有需要再換樓,500萬退休金Full Pay都得,應該計清楚供款能力才出擊吧。

 

中伏2:買樓時,沒有原則!

事主說買樓時本來想買兩房,但賣晒!好似街市咁,唔買就冇,於是神推鬼擁買了三房。樓市旺的時候,展銷會氣氛的確高漲,很容易做錯決定,所以一定要事先計好數,供唔起,幾靚幾有潛力都係假,一定要堅守原則,賣晒、超出預算就唔買!全世界只有這個樓盤嗎?最多咪買二手樓,唔住得咩?

 

中伏3:買樓後,沒有反思!

一個人對住個三房單位,日怨夜怨,幹嗎?唔錯都錯咗,最重要是反思,作出修正,例如供唔起,為甚麼不出租呢?一個三房全新單位即使租不到3萬,2.5、2.6萬總租到吧!何不先租幾年,待有能力有需要的時候才收回自己住呢?

 

中伏4:今天,仍然沒有學習!

甚麼要供到57歲先甩難,人生玩完,是甚麼話?明顯仍然沒有培養理財智慧!960萬就買到三房,明顯不是樓市最高峰時買的,高峰期三房動輒都過千萬。幾年後,過了SSD,待市況回穩,就可以賣出去,相信會賺到好幾百萬,人生就海闊天空,咁都唔明?

子女唔明唔緊要,做父母的自己應該要去學習吧!

 

總結 : 有錢,沒有智慧,上車也是災難!

真原文 :  Ann姐 x Anthony Sir

 

Anthony Sir 於 2009 年首創協助,無數年青人成功上車財務自由。

Ann姐分享按揭及買樓上車文章,FB粉絲多達10萬人 

暢銷書作者《贏盡香港樓》《贏盡日本樓》《買樓財富十級跳》、
《上車又住又賺》、《買樓上車防中伏》及《樓轉命運》

向買樓中伏 Say No!買啱樓 Say Yes! Ann姐 & Anthony Sir 樓市及資產增值分享!

 

Ann姐 x Anthony Sir
3小時速成學會:
置業關鍵防中伏 + 又住又賺!

【贏盡樓市買樓上車及按揭】速成班!

徇眾要求6-7月再加開!!

6月07日 爆滿 Full 
6月15日 爆滿 Full 
6月25日 爆滿 Full 
7月15日 爆滿 Full 
7月26日 爆滿 Full 
徇眾要求8月再加開場
2018年8月02日爆滿 Full 
2018年8月22日爆滿 Full  
2018年9月07日爆滿 Full 
2018年9月16日 爆滿 Full 
2018年10月17日爆滿 Full 
2018年10月26日爆滿 Full 

更多財務自由文章 >> cMoneyHome.tv

訂閱我們 YouTube台,有很多荀料

 

★未買樓?參加【 買車上車 資產倍增3小時 】

11-12月強勁加開,  ➤ http://bit.ly/1sefUSQ

又住又賺上車書作者親自分享!  你想 30 歲前有樓收租嗎?想財務自由嗎?上車買樓真係咁難?點解咁多人買到樓?買樓唔使供?有樓又唔使做樓奴?點先做得到
 

★人生必上 DIY 課堂【慳錢裝修大作戰 速成班 】 
新班, 稍後公佈!   ➤
 http://bit.ly/1c3IfZP

 裝修 Budget 唔多又想整靚屋?又要平又要有型?➨ 300 幾呎單位點用盡空間?點樣可以提升租值?➨ 點睇裝修報價單先唔會俾人呃?➨ 如何用幾萬元的成本,做十幾廿萬的感覺?
 
 
 

 


免責聲明:本內容僅供參考之用,不構成任何投資建議及邀約。請不要依賴本內容作投資決定。投資涉及風險,基金價格可升可跌,過往業績數據並非未來業績的指標。筆者已盡力確保所有提供資料之準確性及可靠性,惟並不擔保該等資料之準確性及可靠性,且概不會就因有關資料之任何不確或遺漏而引致之任何損失或損害承擔任何責任。


歡迎各大高手及機構加入合作,有意歡迎電郵到 cmoneyhome @gmail.com


 

 

 

熱門文章