四仔主義OUT! 中大生「中產老婆論」師弟反駁屋邨妹勝名校女

日前有中大畢業生在「CUHK Secrets」分享「揀女心得」,指一定要找有家底的老婆,這個「中產老婆論」惹起熱議。而前日就有另一位中大生發文反駁,細數月入2萬「屋邨妹」勝過6萬中產名校女的原因,引起很大迴響。

該名中大畢業生指,自己畢業4年,奉勸師弟老婆一定要找個有家底,起碼要中產。他舉例自己最近認識2個已畢業的女仔,「A中學係dgs(名校), CU半神科,月入60K左右,屋企人中產。B中學係屯門村校,非三大,月入20K,住公屋」。

B女性格知足肯捱苦,但凡事「求其」,亦不肯進修,令他開始失去上進心。相反A就很有目標,會陪他進步和計劃未來。「我身邊好多男人仲覺得老婆夾就好,唔洗叻同有錢。但咁諗好錯,B咁嘅女人,同你再夾,都會拖垮你同下一代。」

 

一名中大生發帖反駁師兄的「中產老婆論」,「你想買個御龍山2房(980萬)?唔好意思人哋嫌太細太遠,最後你會被說服買灣仔囍滙2房(1600萬),如果係屋邨妹,御龍山都開心滿足到不得了!」除了買樓,亦要被逼買貴車,「人哋爸爸揸開寶馬M5,保時捷Panamera呢種級數嘅車,你唔係諗住買平價車掛?」甚至小至買禮物,沒有名牌手袋和高級蛋糕都拿不出手,但反觀「屋邨妹」就容易滿足。發帖網民指出,除非自身亦有錢,否則不應看不起別人,「你識咁諗人,人哋都識咁諗你,冇咁大個頭唔好戴咁大頂帽」。

 

不過網民似乎對兩篇帖文都有不同看法,有人認為知足與否和家境無關,「屋邨妹都可以因為冇錢而貪慕虛榮㗎啫,唔好FF因為住屋邨就咁易知足先得㗎」、「唔同性格唔同質素的男仔女仔都會有人中意......用學校、屋苑將人分類成唔同性格,真係奇怪」,亦有人認為無關伴侶知足或上進,「佢有無上進心同你無上進心咩關係?我淨係知你人生失意時,B唔會離開你,咁已經係你最大禮物」、「唔同價值觀叫互補,相同價值觀叫合拍,講到尾就係唔鍾意,唔鍾意咪認咗佢」。


 

更多文章 >> cMoneyHome.tv

我們 YouTube台


 

 


免責聲明:本內容僅供參考之用,不構成任何投資建議及邀約。請不要依賴本內容作投資決定。投資涉及風險,基金價格可升可跌,過往業績數據並非未來業績的指標。筆者已盡力確保所有提供資料之準確性及可靠性,惟並不擔保該等資料之準確性及可靠性,且概不會就因有關資料之任何不確或遺漏而引致之任何損失或損害承擔任何責任。


歡迎各大高手及機構加入合作,有意歡迎電郵到 cmoneyhome @gmail.com


 

 

 

熱門文章